Rrjeti social i komunikimit WhatsApp ka lansuar disa tipare të reja të ngjashme me ato të rivalit Snapchat përmes të cilave përdoruesit mund të vizatojnë në foto.
Aplikacioni i mesazheve i cili është nën pronën e Facebook ka lansuar një version të ri për Android në të cilin ka huazuar disa nga tiparet e kamerës së Snapchat.
Tani, përdoruesit e WhatsApp mund të shkruajnë tekste, të përdorin ‘emoji’ ose të vizatojnë në foto ose video me një llojshmëri të ngjyrave dhe fonteve.
Ky stil i fotografive është popullarizuar nga aplikacioni Snapchat i cili është i njohur për filterat e ndryshëm ku mund të ndërrohen pamja dhe zëri i njerzve të cilët janë në incizim.
Rreth 150 milionë njerëz në botë përdorin Snapchat në baza ditore, 60 milion prej tyre vetëm në Amerikë dhe Kanadë.
Ndërkohë, WhatsApp ka 1 miliard përdorues mujor nëpër të gjitha vendet e botës.
