Në emisionin “Zululand”, në “Tema TV” ishte e ftuar sonte Mimoza Hafizi, e cila diskutoi me Mustafa Nanon mbi importin e mbetjeve. Por në pjesën e dytë u ndalën tek zhvillimet në Partinë Socialiste.
Nano, duke komentuar rastin “Blushi”, shprehu opinionin e vet se “zërat kritikë janë më të rëndësishëm kur ngrihen nga brenda partive të mëdha”, por zonja Hafizi tha se “është krejt e kotë, askush nuk të dëgjon brenda partisë”. E prandaj, vijoi ajo, Blushit nuk i kish mbetur gjë tjetër për të bërë, veçse të bënte divorcin me PS-në.
Lidhur me kryeministrin Rama, Hafizi tha se “e kish menduar si arrogant, por cilësia e tij kryesore është një tjetër. Ai është i paaftë”.
