Një takim i pazakontë është zhvilluar në Kryeministri mes kreut të qeverisë Edi Rama dhe ministrave të kabinetit qeveritar. Takimi u zhvillua vetëm 1 orë para nisjes së seancës plenare të Kuvendit, ku pritet që të ketë debate të forta mes deputetëve të opozitës dhe ministrave, jo vetëm për 6 ligjet kuadër të zbatimit të ndryshimeve kushtetuese, por debati do të përfshijë edhe aktualitetin në vend, duke nisur që nga situata shqetësuese e fenomenit të narkotrafikut, ligjit për importin e plehrave, si dhe gjendja ekonomike në vend.
