Nga Nishi, ku po merr pjesë në Forumin Ekonomik Shqipëri-Serbi, kryeministri Edi Rama ka komentuar deklaratën e kryeparlamentarit Ilir Meta në lidhje me reduktimin e numrit të deputetëve.
Rama është shprehur se kjo çështje kërkon diskutim të gjerë.
“Kjo çështje kërkon diskutim të gjerë. Unë jam që të zbatohen rekomandimet e OSBE-ODHIR“, është shprehur Rama.
Më heret Meta bëri dy propozime në kuadër të reformës zgjedhore. Ai kërkoi kufizimin e numrit të biznesmenëve që do të bëhen deputetë vitin e ardhshëm si dhe uljen e numrit të deputetëve.
Ndërkohë Rama i pyetur nga gazetarët edhe për kthimin e dekretit për ligjin e Mbetjeve nga Presidenti Nishani. Kreu i qeverisë theksoi se nuk priste të kundërtën nga Nishani.
“Nuk prisja të ndodhte ndryshe“, theksoi më tej, Rama.
