Reperi i njohur shqiptar në Shtetet e Bashkuara të Amerikës, Action Bronson, i cili po korr sukses të madh në karrierën e tij, nuk ndalet së dëshmuari krenari prejardhjen e tij shqiptare.
Një gjë të tillë mund ta vëreni më së miri në një fotografi të fundit që reperi ka publikuar së fundmi në profilin personal në rrjetet sociale. Në këtë fotografi shikohet vetë Action Bronson pranë një mashkulli, i cili ka të veshur në fanellë të kuqe me shqiponjën dykrenare. Natyrisht, kjo nuk ka mundur t’iu ikë fansave të reperit, të cilët e kanë komplimentuar me këtë rast reperin. Emri i vërtetë i Bronson është Arian Asllani. Ai ka një ndër emisionet më të shikuara të kuzhinës, ku herë pas here përgatit edhe ushqime tradicionale shqiptare.
