Një modele e zezë që është bërë hit në Instagram, ka treguar se si është përqeshur nga njerëzit për shkak të ngjyrës së lëkurës së saj.
Khoudia Diop, 19 vjeçe, që e quan veten edhe “Perëndesha Melanin”, tha se ishte përqeshur shumë duke u rritur dhe ende merr komente negative nga njerëzit online.
Ylli senegalez, që jeton në Nju Jork, tha për Daily Online se dikur përballej me ata që e përqeshnin dhe ofendonin por se tani preferon “të mos u kushtojë vëmendje” dhe se fokusohet që ta dojë veten çdo ditë e më shumë, transmeton Gazeta Express.
Khoudia, që filloi modelimin para dy vitesh, ka bërë famë në Instagram javët e fundit duke mbledhur 220,000 ndjekës.
