Ka qenë duke punuar si çdo ditë në galeritë e minierës së Bulqizës, por shkëputja e një masivi shkëmbor e ka zënë poshtë mesditën e sotme.
Për pasojë minatori Artan Gjeka 28-vjeç ka marrë plagë të rënda në të gjithë trupin.
Edhe pse është transportuar me urgjencë drejt spitalit të Bulqizës, mjekët atje nuk japin siguri për jetën e minatorit, prandaj kanë kërkuar ndihmën e një helikopteri që të mund ta transportojë sa më parë drejt Tiranës.
Sipas tyre, i riu ka shembje në të gjithë pjesët e trupit.
