Pas akuzave ndaj juristes Eni Çobani të gazetarit që doli në mbrojtje të ishkryegjyqtarit të Gjirokastrës, pas audioskandalit teksa ai i kërkonte favore seksuale një qytetareje ka reaguar vetë juristja.
Gazetari denoncoi dje përmes një postimi në Facebook se juristja e kishte kërcënuar me jetë, por Eni Çobani e ka mohuar një gjë të tillë. E kontaktuar nga jugunews.net, juristja e njohur e ekranit shqiptar Eni Cobani, ka hedhur poshte pretendimet e gazetarit investigativ Telnis Skuqi per kercenim me jetë ndaj tij. “Nuk e njoh dhe as nuk kam kontaktuar ndonjehere me personin ne fjale”eshte shprehur per juguneës.net zonja Cobani. Sipas saj, “Eshtë shumë i turpshëm ky deklarim dhe përdorimi i emrit tim në të tilla deklarata krejtësisht të papërgjegjshme”.
Nga ana tjetër, ajo ka kërkuar nga gazetari Skuqi, të tërheqë mbrapsht deklaratën e bërë, pasi në të kundërt, do të përballet me drejtësine për shpifje dhe cenim të figureë. Një ditë më parë, Skuqi, ka pretenduar se është kërcënuar me jetë nga zonja Eni Çobani përmes një telefonate të realizuar në orët e drekës. Arsyeja ka qene se Skuqi, e ka akuzuar Çobanin, për favorizim të R.I. në aferën me kryetarin e Gjykates se Gjirokastrës Guximtar Boci.
Jugunews, ka siguruar tabulatin e thirrjes marrëse në telefonin celular të Skuqit, nga një numër që për gazetarin investigativ Skuqi, pretendohet se është telefonuar nga Eni Cobani Telefonata sipas tabulatit, është rregjistruar në orën 15:39 minuta të ditës së sotme dhe ka zgjatur 1 min e 18 sekonda.
Gazetari që mbron Guximtar Boçin: Eni Çobani më kërcënoi me jetë Gazetari nga Gjirokastra, Telnis Skuqi, i cili ditën e djeshme mori në mbrojtje gjyqtarin Guximtar Boçi, duke thënë se regjistrimet audioSkuqi, shkroi dje se gjyqtari Boçi e kishte të shenjtë familjen dhe se ishte shantazhuar nga Eni Çobani dhe aktoret e saj. Sipas Skuqit gjyqtari e njihte qytetaren dhe se bisedat ishin mes miqsh, duke e hedhur poshtë investigimin dhe duke akuzuar Çobanin.
Ai sot shkruan se Eni Çobani e ka marrë në telefon dhe e ka kërcënuar se do ta zhdukte me gjithë familjen.
STATUSI
Nuk e di se si e gjeti numrin tim personal, Eni (Cobani), per kete fakt nuk merakosem shume, por me cuditi guximi i saj, madje thashe me vete “Ku e ka mesuar kete zanat, qe guxon telefonon nje gazetar dhe e kercenon hapur se do ta zhduk ate dhe familjen e tij”. Eja gjeje kete guxim Enit, mos te mesoj Saimiri i Puneve te Brendshme?!
