Policia gjermane njofton se një grua e konvertuar në myslimane i ka sulmuar me thikë disa oficerë teksa ka bërtitur “Allahu Akbar”, pasi policia kishte shkuar në banesën e saj në perëndim të qytetit Essen.
Zëdhënësi i policisë, Marco Ueberbach, ka thënë sot se oficerët kanë gjetur flamuj me simbole të ISIS-it, pasi që ishin futur me forcë në banesën e 53-vjeçares.
Oficerët ishin thirrur të hënën në banesën e saj, për shkak se ajo po hidhte orendi nga dritarja e banesës. Ajo kishte refuzuar ta hapte derën, prandaj oficerët e kanë thyer derën për t’u futur brenda.
Ata kanë përdorur sprej ndaj saj pasi që ishin sulmuar me thikë. Asnjëri nga oficerët nuk është lënduar.
