Dhjetëra krerë bagëti raportohen të ngordhura si shkak i sëmundjes së gjedhit në fshatrat e bashkisë Klos. Banorët thonë se shkak është mosvaksinimi në kohë i bagëtive, ndaj ata kërkojnë dëmshpërblim nga Ministria e Bujqësisë. Banorët e fshatit Fullqinet në bashkinë e Klosit kanë protestuar ndaj mungesës të vaksinës për sëmundjen e gjedhit.
Banorët thonë se kanë humbur disa krerë gjedh si pasojë e sëmundjes, dhe si shkak listojnë mosbërjen në kohë të vaksinës. Ata kërkojnë dëmshpërblim nga ministria e Bujqësisë për shpërdorim fondesh. Banorët thonë se ndonëse situata është alarmante, ende ka mungesë të vaksinës.
Banorët e fshatit Fullqinet në Klos, paralajmërojnë bllokim të rrugës nacionale Peshkopi-Tiranë, nëse nuk merr zgjidhje, cështja e dëmshpërblimit për humbjet që kanë pasur në bagëti si pasojë e mosvaksinimit në kohë nga dermatoza nodulare.
