Partizani merr barazimin e dytë radhazi në kampionat pas asaj me Skënderbeun një jave më parë. Të kuqtë në fillimin e pjesës së dytë pësuan një gol nga Devi Bregu që e bëri sfidën malore për djemtë e Starovës. Luftëtari nuk ruan dot epërsinë pasi Ibrahimi shënoi duke stampuar shifrat në 1-1. Kështu Partizani ndan një pikë me Luftëtarin duke bërë një hap fals për objektivat që ka në këtë sezon. Pas këtij takimi, Partizani ngjitet në kuotën e 19 pikëve, duke mbetur provizorisht në vend të dytë në renditje, ndërkohë Luftëtari ngjitet në kuotën e 11 pikëve duke mbetur provizorisht në vendin e 6.
