Në Vlorë luhet ndeshja e radhës për javën e dhjetë të Kategorisë Superiore, e para për fazën e dytë.
Flamurtari pret Skënderbeun mes problemeve me rrogat dhe rrezikun e heqjeve të pikëve nga Federata Shqiptare e Futbollit.
Ndërkohë, nuk është plotësisht i qetë mjedisi as në kampin korçar, me fjalë që qarkullojnë për një shkarkim të trajnerit Agostineli nëse nuk fiton sot.
Sikur të mos mjaftonte kjo, tekniku italian duhet të bëjë edhe me mungesat e Vangjelit e Osmanit. Hektor Idrizaj luan në të djathtë të mbrojtjes, ndërsa në sulm debuton 18-vjeçari nga Prishtina, Agim Zeka.
Në krahun tjetër, vlonjatëve u mungon Bruno Telushi i dëmtuar.
Minutë pas minute
44′ Korçarët këmbëngulin pas një aksioni të gjatë, duke përfituar edhe nga një hezitim i mbrojtjes vlonjate. Sidoqoftë, topi i mbetur dy hapa larg portës nuk shfrytëzohet siç duhet nga Salihi, i cili gjuan dobët në duart e Argent Halilajt.
37′ GOL! Flamurtari thellon epërsinë me Tomislav Bushiçin. Sulmuesi kroat merr një krosim të saktë nga Balsha Radoviç dhe me kokë mposht Shehin pasi fiton dyluftimin në ajër me Radasin. Vlonjatët në festë.
35′ Milosh Rniç për pak sa nuk i bën Skënderbeut një dhuratë, me një top të kthyer te Halilaj. Gjithsesi, portieri vlonjat tregohet i vëmendshëm dhe largon topin para se Salihi të përfitonte.
31′ Marko Radas provon me një goditje dënimi pranë zonës, por e djathta e mbrojtësit kroat shkon jashtë. Asnjë rrezik për portierin Halilaj.
25′-30′ Pas fillimit të shpejtë, loja bie disi në qetësi. Skënderbeu përpiqet të ulë vrullin e vendasve, të cilët luajnë më me kujdes pas avantazhit.
24′ Latifi lihet i lirë në zonë dhe përfiton duke lëshuar një të djathtë diagonale, e cila megjithatë nuk gjen portën.
18′ Korçarët përsëri pranë barazimit. Lilaj hedh një krosim nga e djathta dhe Nimaga krejtësisht i lirë në zonë gjuan me kokë, por në mënyrë të pabesueshme topi shkon jashtë.
14′ Mundësi e mirë për Skënderbeun. Lifidon Latifi depërton me shpejtësi në zonë dhe pason, por Veliu në rrëshqitje largon topin jashtë.
13′ Tjetër rast për Alveshin, i cili “djeg” në dyluftim Radasin dhe futet në zonë, por aty vonohet dhe portieri Shehi e bllokon në dalje.
