Kryeministri Edi Rama e nisi fjalimin e tij në ceremoninë e përurimit të uniformave të reja në policinë e shtetit me një falenderim.
Për habinë e të gjithëve ai falenderim ishte për një tjetër kryetar shteti.
“Që në fillim dua të falenderoj qeverinë e Turqisë dhe në veçanti presidentin Erdogan për mbështetjen që na kanë dhënë në këtë projekt”- tha Rama.
Siç dihet uniformat e reja të policisë shqiptare janë të ngjashme me ato të policisë turke.
Ditët e fundit Rama është akuzuar nga Greqia se po bën lojën e Turqisë në Ballkan.
