Kombet e Bashkuara thanë se janë duke hetuar vdekjen e dhjetëra civilëve nga sulmet ajrore të SHBA-së në Afganistan.
Misioni i Ndihmës i OKB-së në Afganistan tha se së paku 32 njerëz janë vrarë dhe 19 janë plagosur nga sulmet në qarkun Buz-e-Kandahari, javën e kaluar.
Shumica e viktimave thuhet të jenë gra dhe fëmijë.
“Humbja e jetëve të civilëve është e papranueshme dhe dëmton përpjekjet drejt ndërtimit të paqes dhe stabilitetit në Afganistan”, tha misioni i OKB-së. Ushtria e SHBA-së ka pranuar se sulmet ajrore mund të kenë shkaktuar viktima civile.
Ceremonia mortore e femijeve te mbetur te vrare nga sulmi ajror i NATO-s ne Kunduz Afganistan, Foto: EPA/NAJIM RAHIM
