Këngëtari i dashur i muzikës shqiptare, Vedat Ademi pas disa viteve vajtje-ardhje Shqipëri-SHBA duket se më në fund ka vendosur të largohet përgjithmonë drejt tokës së premtuar.
Komentet në një prej fotove të fundit në profilin e tij me gazetarin dhe opinionistin e “Top Show Magazine”, Ervin Kurti, na e konfirmojnë këtë.
Pyetjes së Kurtit: na ike dhe ti apo vetëm përkohësisht, Vedati i përgjigjet: Po, vetëm mos i thuaj njeriu. Nuk e dimë në kjo është thjesht një shaka e këngëtarit, apo vërtet Ademi e ka zhvendosur jetën e tij në New York, ku po jeton bashkë me të shoqen dhe djalin. Urojmë vetëm që ky vendim i tij të mos ndikojë në tërheqjen nga muzika.
