Policia e Kosovës ka arrestuar një femër, që duke u hequr si gruaja e një biznesmeni të njohur ka mashtruar një numër të madh qytetarësh. Gruaja e arrestuar nga policia, thoshte se quhej Angjelina Jusaj dhe se ishte bashkëshortja e Shkëlzen Jusaj.
Kjo e fundit mashtronte njerëzit duke iu thënë se punonte në KFOR, EULEX, por edhe shumë institucione tjera ndërkombëtare në vend. Në raportin e rregullt ditor policia ka njoftuar se të mërkurën (16.11.2016) në rrugën “Fehmi Agani” është identifikuar dhe arrestuar e dyshuara.
Në anën tjetër biznesmeni Jusaj i kontaktuar nga gazeta “Zëri” thotë se femra tashmë e arrestuar ka mashtruar shumë qytetarë duke u prezantuar si bashkëshortja e tij, gjë që i ka shkaktuar shuam probleme. “Për vite të tëra është prezantuar si bashkëshortja ime dhe ka mashtruar shuam njerëz, duke më hapur shumë probleme”, ka thënë ai.
