Një aktiviste e Lëvizjes “Për Universitetin” u shoqërua të enjten pasdite nga policia pasi hodhi bojë të kuqe ndaj ministres së arsimit Lindita Nikolla gjatë një takimi të saj me të rinjtë e Samitit Studentor FRESSH që po mbahej te Piramida në Tiranë.
Aktivistja e ‘Lëvizjes për Universitetin’ shkoi tek rreshti i parë ku ishte ulur ministrja Nikolla, duke i hedhur në kokë bojë të kuqe.
“E spërkatën me salcë duke i bërë për një moment atë çka ajo dhe qeveria shqiptare i kanë bërë jetës universitare publike prej kohësh: shprishjen. Sot mijëra maturantë meritorë janë ende pa të drejtën studimi dhe po aq kuota të paplotësuara ka në universitetet publike. Skema e regjistrimit të studentëve ka favorizuar haptas universitetet private kliente të qeverisë. Prandaj ne kemi kërkuar dhe kërkojmë dorëheqjen e ministres Nikolla. Rezistenca vazhdon!
Për Universitetin, Për Shoqërinë!”, shkruan në Facebook faqja ‘Lëvizja për Universitetien’.
https://www.facebook.com/386027868137961/videos/1216009191806487/
