Tre automjete u dogjën nga një zjarr që përfshiu mbrëmjen e djeshme një parking pallati pranë sheshit “Willson”, ndërsa sot mësohet se njëra prej makinave është e këngëtarit Flor Mumajesi.
Me sa duket zjarri ka qënë i qëllimshëm, pasi kamerat e sigurisë kanë fiksuar një mashkull rreth të 30-ve veshur me xhinse dhe bluzë, me kapuc me motive në kokë që hyn në garazh, shkon tek makina “Fuoristradë” e këngëtarit, derdh 2 bidonë me benzinë dhe i vë zjarrin.
Si pasojë e zjarrit janë djegur dhe 2 makina të tjera. Mësohet se flakët kanë qenë të mëdha, ndërsa në mbrëmje zjarrfikësit vetëm i kanë izoluar ato si dhe kanë evakuuar banorët për të mos u asfiksuar. Ngjarja u regjistrua rreth orës 22:30 në rrugën “Ymer Kurti” prapa Postës 8, në njësinë administrative 5. Policia sakaq ka nisur hetimet për këtë rast.
