Gazeta gjermane “Die Welt” duke iu referuar burimeve policore thotë se i arrestuari si përgjegjës për masakrën e Berlinit është person i gabuar, duke aluduar kështu se autori i vërtetë ndodhet në arrati.
Por, policia gjermane ende nuk ka bërë një koment për këtë pretendim.
“I arrestuari ka mohuar akuzat. Si do qoftë ne jemi në alarm. Ju lutem rrini në alarm”, shkruan policia në Twitter.
Ndërsa gazetare gjermane thotë se në fakt autori i armatosur është në kërkim nga policia.
“Kemi arrestuar personin e gabuar. Kjo krijon një situatë të re. Agresori i vërtetë është ende i armatosur dhe në arrati dhe mund të shkaktojë dëme të reja”, citon gazeta burimin.
Nga ana tjetër, pakistanezi i arrestuar rezulton se është ndaluar më parë në Gjermani për gjashtë sulme seksuale.
Zbulohet identiteti i autorit, por i mohon akuzat
Policia gjermane thotë se i dyshuari për masakrën e ndodhur në Berlin ka mohuar të jetë i përfshirë.
Gjatë marrjes në pyetje 23-vjeçari nga Pakistani është shprehur se, nuk ka lidhje me sulmin e ndodhur.
Mediat gjermane e kanë identifikuar agresorin si Naved B., i cili rezulton se jetonte në një kamp refugjatësh në kryeqytetin gjerman.
Ndërkohë, forcat speciale gjermane kanë kontrolluar kampin e refugjatëve që është edhe më i madhi në vend.
I dyshuari u arrestua pak pas sulmit i fshehur në një kopësht zoologjik pranë vendit të masakrës.
Autori i hyri në Gjermani me emër fals, ishte i skeduar
Sulmi me kamion e ka tronditur Gjermaninë në prag të festës së Krishtlindjes. Hetuesit thonë se kemi të bëjmë një sulm terrorist.
Deri tani është zbuluar se agresori ishte azilkërkues nga Pakistani dhe kishte hyrë në territorin gjerman në shkurt të këtij viti.
Pakistanezi që kishte hyrë në Gjermani duke përdorur një emër fals, ishte i njohur nga policia si kriminel, por nuk njihej si islamik fanatik.
Ai mori peng shoferin polak të kamionit që kishte ardhur nga Italia për të vërshuar si i çmendur mbi njerëzit pasi kishte vrarë drejtuesin e makinës.
Mediat gjermane kanë publikuar dhe hartën se si ka ndodhur sulmi që solli 12 viktima dhe 49 të tjerë të plagosur.
Ndërkohë një video tjetër tregon pamjet dramatike nga vendi i ngjarjes. Marketi shihet i mbuluar në gjak, njerëz të shtrirë përtokë dhe disa të tjerë që largohen të tronditur.
‘Azilkërkuesi rrëmbeu kamion dhe vrau shoferin’ , drejtoi kamionin dhe vrau njerëzit në treg, raporton Daily Mail duke iu referuar policisë.
Autori një azilant mendohet të ketë qenë pas timonit të kamionit 25-tonësh. Njeriu i maskuar në timon – i cili sipas gazetës gjermane Berliner përdorte emra të ndryshëm, ishte pakistaneze dhe kishte ardhur në Gjermani në shkurt. Ai u largua nga vendngjarja para se të arrestohej me pas në një kopsht zoologjik aty pranë.
Policia konfirmoi se shoferi fillestar, i cili ishte transportues i trarëve të çelikut nga Polonia në Gjermani, ishte një shtetas polak i cili u gjet i vdekur në kabinën e kamionit që mendohet se ishte rrëmbyer.
