Një shqiptar është arrestuar në Foggia, pas një urdhër arresti të lëshuar nga gjyqtarët Domenico Zeno Alessandra Fini me kërkesë të Prokurorisë. Sipas mediave italiane 29-vjeçari me iniciale B.B me banim në Romë akuzohet për dhunë seksuale ndaj një shitëse të një dyqani.

Ngjarja ka ndodhur në 9 shtator të vitit të shkuar, kur 29-vjeçari shqiptar rreth orës 5:00 mbasdite pasi studioi terrenin dhe mundohet të shmangë kamerat e sigurisë hyri në një dyqan në “Piazza Giordano” ku nuk kishte njerëz të tjerë përveç shitëses.

Duke përfituar nga kjo situatë shqiptari i thotë shitëses: ‘Nuk të kujtohem unë, kemi qenë të lidhur bashkë disa vite më parë’. Më pas e shtrin përtokë vajzën e re duke u munduar ta përdhunojë brenda në dyqan, por vajza ka nisur të bërtasë dhe shqiptari është larguar me shpejtësi nga frika se mos i dëgjonte ndonjë kalimtar.

Shitësja arriti të shpëtojë dhe lajmëroi policinë. Në atë kohë 29-vjeçari shqiptar u denoncua në gjendje të lirë dhe u largua nga qyteti për t’u arrestuar më pas gjatë ditës së djeshme./bw