Shtetasit të arrestuar iu gjetën në makinë 73 copë kartëmonedha me prerje 20 euro
Një 32 vjeçar është arrestuar në flagrancë nga policia e Vlorës, pasi është kapur me 1460 euro të falsifikuara.
Shtetasi i arrestuar është Simon Mitraj, 32 vjeç, banues në Vlorë, i cili akuzohet për “Falsifikim të kartëmonedhave”.
Sipas policisë bëhet e ditur se më datë 21 janar, rreth orës 20:00, 32-vjecari ka furnizuar automjetin e tij tip “Jeep” me targë AA 038 CR, tek një karburant në lagjen “Rilindja” duke përdorur një kartëmonedhë me prerje 20 euro, e cila dyshohet të jetë e falsifikuar.
Gjatë kontrollit fizik që i është bërë këtij shtetasi, policia i ka gjetur 73 copë kartëmonedha të tjera me prerje 20 euro (në total janë 1460 euro), të dyshuara të falsifikuara, të cilat u sekuestruan në cilësinë e provës materiale.
