Kurt Hielscher ishte një fotograf gjerman i cili në fillim të viteve 1900 ka udhëtuar nëpër Evropë dhe ka regjistruar foto të mahnitshme. Ai është autor i disa librave të suksesshëm që përmbajnë fotografi nga Italia, Spanja, Gjermania dhe ish-Mbretëria e Jugosllavisë.

Në mesin e viteve 1920, Hielscher ka udhëtuar në të gjithë Jugosllavinë, duke realizuar një album me fotografi të peizazheve, vendeve dhe popujve atje. Në Beograd, atij iu caktua një përkthyes, mori lejen për të hyrë në pronat e të gjitha autoriteteve lokale, dhe iu dha në dispozicion edhe një makinë. Fabrika Zeiss-Ikon dhe Agfa i huazuan atij kamera, lente dhe pllaka të jashtëzakonshme.

Në rrugën e tij nga Alpet sllovene deri te kufiri me Bullgarinë, Hielscher ka bërë një total prej 1,200 fotosh. Nga këto, zgjodhi 191 foto dhe shpjegoi se është përpjekur të tregojë peisazhet e ndryshme tërheqëse, arkitekturën dhe mënyrën e jetës së banorëve të ish-Mbretërisë së Jugosllavisë.

Koleksioni i tij u botua në vitin 1926 në Berlin. /tesheshi.com/