Presidenti amerikan Donald Trump ka komentuar shkurt deklaratat e këngëtares Madona gjatë protestës kundër tij. “E neveritshme, e pështirë”, është shprehur Trump në një intervistë për Fox Neës.
“Sinqerisht, ajo është e neveritshme….. unë mendoj se ka lënduar veten shumë keq ….mendoj se ajo e ka pështirë të gjithë këtë kauzë “, u shpreh Trump.
Këngëtarja Madona përdori fjalë fyese kundër Donald Trump gjatë një marshimi ditën e inagurimit të tij.
“Jam e zemëruar Po, jam e zemëruar. Po, kam menduar shumë herë në lidhje me hedhjen në erë të Shtëpisë së Bardhë”, ka thënë ajo ndër të tjera.
