Gjërat që mund të shkaktojnë kokëdhembje janë të panumërta, duke përfshirë ndryshimin e motit, erëra të forta, humbje gjumi dhe disa ushqime apo pije. Kur heq dorë nga ushqimet që mund të shkaktojnë migrenë dhe i ha ato ushqime që ndihmojnë në parandalimin e dhimbjes së kokës, mund të ju ndihmojë në lidhje me problemin tuaj.
- Fruta, Perime dhe Legume
Frutat, perimet dhe legumet përmbajnë estrogjen bimor i cili ul efektet negative që shkakton estrogjeni të cilin e prodhon trupi ynë në mënyrë natyrale. Kjo mund të jetë posaçërisht me interes për gratë që vuajnë nga migrena gjatë periodave. Fibrat në këto ushqime të shëndetshme heqin estrogjenin e tepërt që prodhon trupi dhe zhdukin kokëdhembjen.
- Peshqit
Salmonët dhe peshqit e tjerë me shumë yndyrë mund të ndihmojnë me migrenën gjithashtu. Këta peshq janë të pasur me acidet yndyrore omega-3. Disa studime në këto komponente anti-inflamatore treguan se kur mirren në formë suplementi, ato ulin shpeshtësinë e migrenës në disa njerëz.
- Kafja
Edhe pse kafeina mund të shkaktojë dhimbje koke tek disa njerëz, kur migrena godet, disa filxhanë kafeje do ndihmonin në lehtësimin e dhimbjes së kokës. Kafeina gjithashtu ndihmon në tkurrjen e enëve te fryra të gjakut në tru, prandaj është component kryesor në barërat kundër migrenës.
- Xhenxhefili
Studimet tregojnë se kjo bimë përmban disa komponentë të fortë që janë të ngjashëm me ato komponentë që gjenden në barëra anti-inflamatorë. Mund të punojë kundër migrenës duke bllokuar substanca inflamatore të ndryshme.
- Ushqime të pasura me magnez
Drithërat, fasulet, dhe perime me gjethe dhe ngjyrë jeshile të mbyllur janë të gjitha të larta në magnez, komponent ky i cili mungon te shumica e njerëzve që kanë migrenë. Nivelet e ulëta të magnezin thuhet se e bëjnë trurin edhe më të ndjeshëm ndaj migrenës.
.
