Ka nisur edhe dita e dytë e protestës e opozitës në sheshin përballë zyrës së kryeministrit Edi Rama.
Duke folur për median, përfaqësues të Partisë Demokratike janë shprehur se do të vazhdojnë të qëndrojnë aty deri në momentin kur të bjerë qeveria dhe të ngrihet një qeveri teknike.
Protestuesit e udhëhequr nga Partia Demokratike vendosën mesditën e djeshme që të qëndronin në shesh deri në largimin e qeverisë Rama dhe krijimin e një qeverie teknike që do të garantojë zgjedhje të lira e të ndershme.
Në çadrën e ngritur para kryeministrisë filloi sot “ngujimi” i demokratëve deri në plotësimin e kushtit të opozitës.
