Ish-kapiteni i kombëtares Lorik Cana, së fundmi ka udhëtuar drejt Romës, ku është duke qëndruar për disa ditë atje.
Ndonëse më nuk merret më me futboll, ai ka ‘ndërruar’ tashmë fushë dhe ka filluar të merret me biznes, pasi para pak vitesh ka hapur nje restorant në Tiranë dhe vetëm pak muaj më parë ka hapur një tjetër restorant të ri në Prishtinë.
Ndërkohë, Loriku është shumë aktiv edhe në rrjetet sociale, përmes së cilave ndan me fansat imazhe nga jeta e përditshme.
Data e sotme (2 mars) është një datë mjaft e rëndësishme për shqiptarët, të cilën në fakt futbollisti nuk e harron asnjëherë.
Ai ka publikuar një fotografi në llogarinë personale në Instagram, ku shfaqet një pikturë e Lidhjes së Lezhës, ngjarje e cila ndodhi në vitin 1444 pikërisht në një datë si kjo.
Lorik Cana ka treguar gjithnjë se është patriot dhe këtë më së miri po e vërteton me përkujtimin e datave të rëndësishme të historisë, transmeton Telegrafi.
“2 mars 1444 Lezhë, bashkimi bën fuqinë, jemi një, Shqipëri Etnike”, shkruan ai përbri fotografisë.
https://www.instagram.com/p/BRITZkOBsaQ/?taken-by=lorikcana
