Një punonjës i Gardës së Republikës është arrestuar në Vlorë pasi u përfshi në një aksident rrugor në gjendje të dehur.
Genci Ademaj, me detyrë trupë shërbimi, u arrestua në flagrancë nga Sektori i Shërbimit për Çështjet e Brendshme dhe Ankesat (SHÇBA) në bashkëpunim me Policinë e Vlorës.
29-vjeçari mësohet se rreth orës 23:30 të mbrëmjes së djeshme, teksa po ngiste makinën e tij, u përplas me një automjet tjetër dhe u lëndua lehtë.
Nga kontrolli i shërbimit policor rezultoi se punonjësi i Gardës, Genci Ademaj kishte përdorur alkool mbi normat e lejuara.
Gardisti akuzohet për drejtim të mjeteve në mënyrë të pa rregullt.
