Në arkivin austriak ndodhet edhe një letër që Princ Vidi i dërgonte Presidentit amerikan të asaj kohe, Woodrow Wilson.
Sipas gazetarit Ilir Ikonomi, letra është e datë 8 maj të vitit 1914, e cila është dërguar nga Pallati i Durrësit. Ikonomi thotë se kjo mund të jetë komunikimi i parë i shtetit shqiptar me një president amerikan:
“Interesi që keni treguar gjithmonë ndaj vendit tim, – shkruan Vidi, – më bën të shpresoj se do të më akordoni miqësinë tuaj dashamirëse për të forcuar pozitën ndërkombëtare të shtetit të ri, i cili është i destinuar të luajë një rol të rëndësishëm në ekuilibrin e Ballkanit.”
