I dashur Blendi,
Lexova me vemendje analizen tende te sotme qe shenjohej nen pyetjen se cili do ti binde qytetaret, Lulzim Basha apo Edi Rama.
Dakordesohem me argumentat e ngritura ne analizen tende, por ndjej se mungon nje element tejet bazik qe ne fakt eshte edhe zanafilla dhe fundi i gjithe kesaj historie.
Lulzim Basha ia la fushen te lire Edi Rames per gati te 4 vitet e tij te mandatit si Kryeminister.
Shumekush, perfshire edhe veten time, ka qene kritik per kete qendrim apatik, te Opozites se Lulzim Bashes.
Ka patur raste kur Opozita ka ngjasuar me nje gafore qe ecte mbrapsht e per te mos u kapur leshonte kembet e saj, por jo natyren e saj klienteliste qe vinte si inerci e pushteterimit 8 vjecar.
Opozita ka qene e dyzuar edhe ne qendrimet e saj nese ishte perballe nje Shumice, apo ne kalamendje mes Rilindjes se Edi Rames dhe LSI-se se Ilir Metes.
Edhe luftrat e proceset e saj te brendshme, PD i perjetoi me shume si ngjarje bezdisese, sesa si mundesi per kuptueshmeri e riperteritje.
E gjithe kjo fryme e mendesi opozitarizmi, u karakterizua edhe nga nje element tejet pozitiv sipas pikepamjes sime mbi demokracine.
Si asnjehere e si askush tjeter me pare, Lulzim Basha ia la plotesisht te lira mundesite dhe shtigjet, sheshet dhe kauzat, shoqerise dhe aktivizmit civil.
Mirepo cfare ndodhi?
Klientelizmi dhe inercia e qeverisjes 8 vjecare, po e mbanin Partine Demokratike ne gjendje mosrritjeje dhe mosfrymezimi, sepse shpesh mbivendoseshin si kujtese qe vriste shprese.
Edhe çlirtesia dhe pangutshmeria e Bashes per te punuar me strukturat e PD, krijuan kaos dhe ngerc.
Ndersa fusheliria qe la per shoqerine civile dhe aktivizmin civil, rezultoi deshtim total, jo per Bashen, por per keta te fundit.
Shqiperia e ka ende muskulin e tij me te pazhvilluar, kete muskulin e levizjeve civile.
Shoqeria Civile eshte bere nje sektor rendom punesimi, ndersa aktivizmi civil eshte bere si nje qoke a sprove pa idealizma e pa sherbese, thjesht per te perfituar politikisht mbi kauza apo per te shitur e blere kauza.
Ndaj kthesa e madhe qe Lulzim Basha mori ne janarin e ketij viti, kishte nje rendesi madhore per te gjitha zhvillimet politike dhe institucionale ne vend.
Opozita apatike e deri para 18 shkurtit, kishte bere qe Edi Rama te gjigandosej ne zullumet e tij dhe ti shihte gjithe te tjeret si xhuxha e lilipute.
Ai nuk Qeveriste me. Thjesht sundonte dhe instalohej pa patur asnje ndjesi pengese a veshtiresie.
Ferkimet me LSI, vetem sa e arsyetonin dhe justifikonin vepren e tij per tu zhytur me shume ne lakmine per gjigandizim.
Aq me turr te madh e kishte mare kete ceshtje, saqe cdo hesap mbi te nesermen e bente pa konsideruar askend.
Mendonte dhe besonte se ai ishte i vetmi rreth te cilit vallezonin fatet e se nesermes.
Por ja qe Lulzim Basha, ndali inercine, shkeputi prangat e se djeshmes nga koka e tij dhe zbriti si mendjendare ne sheshin qe e kishte lene te lire per 4 vjet.
As dhune, as makth, as ushqim urrejtjeje, asnje marrezi te tille nuk beri.
Thjesht zuri sheshin qe i takonte dhe e ktheu ne nje log qytetar, ku ai pret cdo dite qytetaret, jo per ti bindur, por per tju bindur ai atyre.
Qytetaret e kane gjithmone nevojen ta kene te ngritur logun e protestes, sepse ne nje vend me kulture te gjate diktatoriale, autokratike dhe hajnokratike, qytetaret jane ngahera te rrezikuar prej atyre qe jane ne krye te qeverive.
Basha ka zbritur ne sheshin e qytetareve dhe po u bindet atyre. Po kerkon ndjese, po reflekton bashke me qytetaret, po ballafaqohet me ta, po i sheh ne sy e nuk po u shmanget as pakenaqesive te tyre me te, as ankesave te tyre per te, as mospranimeve te tyre per te. Po qendron aty mes qytetareve qe te kuptoje sesi mund te jete njeri prej tyre, jo i persosur, plot mekate por edhe i penduar dhe ne premtim te perditshem per te mos riperseritur te njejtat gabime e mekate.
Gjithcka duhet te beje Basha, eshte te mos tutet, por te deshmoje se eshte mendjendare ne ate log proteste.
Te tjerat pastaj do te ndodhin vete.
Edi Rama tashme nuk ka cben me. Si medioker i gjigandizuar nga mbipushteti, nga kanabisi e kriminalizimi deri ne ashte i shoqerise shqiptare, ai nuk ka me asnje levizje qe mund te beje e te mos e ekspozoje si Problem.
Gjigandizmi i tij eshte edhe fati i tij. Ka dale jashte kohe dhe eshte i papranueshem per Qytetin e Ri politik, apo Republiken e re, sikurse e quan Basha.
Kur del jashte kohe ose kur kthehesh ne rrezik per Qytetin, ke dy zgjidhje, ose te terhiqesh ne ‘shpellen tende’, ose te prishesh qytetin duke i shpallur lufte.
Basha nuk ka nevoje ti shpalle lufte Rames.
Basha eshte ne kohen e tij, ne qytetin e tij, me qytetaret.
Vetem Edi Rama mund ti shpalle lufte Qytetit.
Perpjekja e Edi Rames per te bere zgjedhje pa Opoziten, do te ishte shpallje lufte kunder qytetit dhe qytetareve.
Opozita nuk ka arsye pse te bojkotoje zgjedhjet.
Opozita thjesht nuk duhet te lejoje qe Edi Rama ti beje zgjedhjet si akt lufte kunder Qytetit dhe qytetareve.
E kete Opozita mund ta beje krejt qetesisht me gandizem te paster.
Lufta eshte zgjidhja e vetme e Edi Rames.
Gandizmi dhe moslejimi me trupat tane i zhvillimit te zgjedhjeve nga Edi Rama si akt lufte kunder nesh, do ta beje Edi Ramen tu bindet qytetareve.
Qytetaret e kane ndare mendjen. Edi Rama duhet te ike.
Dhe do te ike.
Arian Galdini
