Policia e Fierit ka arrestuar në flagrancë një 46-vjeçar nga Tirana, pasi në automjetin e tij u gjetën 42.5 kg kanabis.
Ka qenë një informacion i marrë në rrugë operative nga Policia e Fierit që ka çuar në arrestimin Ilia Papajanit. Në hyrje të autostradës Levan-Tepelenë, gjatë kontrollit të ushtruar mjetit tip “Touareg” me targa AA 789 JI, në bagazh, u gjetën 42.5 kg lëndë narkotike e dyshuar Cannabis Sattiva e ndarë në 10 pako.
Sipas të dhënave zyrtare, Sektori për Hetimin e Narkotikëve e Trafiqeve në Drejtorinë Vendore të Policisë Fier, në bashkëpunim me Komisariatin e Policisë Fier, në kuadër të operacionit antidrogë të koduar “Levani”, arrestuan në flagrancë shtetasin Ilia Papajani, 46 vjeç, banues në Tiranë.
Gjithashtu u sekuestruan në cilësinë e provës materiale edhe 5 aparate të ndryshme celulari si dhe mjeti “Touareg” me targa AA 789 JI.
https://www.facebook.com/1502420603377639/videos/1925304457755916/
