Shqipëria është në vend të 109 nga 157 shtete në total, për nga niveli i lumturisë.
Ky është përfundimi i raportit më të fundit të Agjencisë së Kombeve të Bashkuara, për vitin 2016.
Raporti ka marrë në analizë gjithë shtetet për të dalë në përfundim mbi nivelin e lumturisë së njerëzve që jetojnë në to, sa të lumtur janë njerëzit dhe arsyet pse.
Niveli i lumturisë matet në një sërë faktorësh si: të ardhurat për frymë, mbështetja sociale, shëndetësia, liria për të bërë zgjedhje në jetë, gjenerositeti, perceptimi i korrupsionit etj.
Në këtë raport, Shqipëria ka kaluar Bangladeshin me 1 pozicion, si dhe Irakun e Sierra Leonen, që janë vende njëra në luftë, e tjera me konflikte të armatosura.
Para nesh renditen Palestina, Nepali dhe Zambia.
Kosova renditet shumë më lart nesh, në vendin e 77-të, bashkë me vende si Kroacia dhe Turqia.
Vendi më i lumtur në bazë të raportit është Danimarka, ndjekur nga Zvicra, Islanda, Norvegjia dhe Finlanda.
E përmbyllin listën Afganistani, Burundi, Togo dhe Siria.
Më poshtë është lista e plotë e vendeve:
