Daily Mail” ka publikuar sot momentet e tmerrshme kur një grua vendos të hidhet në lumin Tamiz për t’i shpëtuar përplasjes së pamëshirshme nga Fuoristrada e drejtuar nga 42-vjeçari Abu Izzadeen, i njohur për prirjet e tij radikale dhe zëdhënës i një organizate terroriste.
Gruaja ishte duke ecur mbi trotuar në këmbët e urës “Westminster” kur atentatori 44-vjeçar nën drejtimin e mjetit nisi të përplasë kalimtarët. Kjo e fundit për të shpëtuar zgjodhi të hidhet në lumë. Fatmirësisht, siç bën me dije “Daily Mail” gruaja ka arritur të shpëtojë.
Po sot është identifikuar edhe polici i vrarë me thikë. Ai është Keith Palmer 48-vjeç.
Pas sulmit të djeshëm humbën jetën 4 persona dhe vetë atentatori i qëlluar nga forcat e policisë, pasi kishte shpërthyer derën e parlamentit dhe kishte therur me thikë një polic sigurie.
Nga sulmi kanë mbetur të plagosur edhe 40 persona. Mes tyre në gjendje të rëndë janë dy nxënës francezë, turistë nga Koreja e Jugut dhe Rumania.
