Një varëse 400-vjeçare, gdhendur në të një trandafil Tudor, emblemë tradicionale e Britanisë si dhe simbol i dinastisë ‘Tudor’, është gjetur në një zonë ndërtimi në afërsi të Kremlinit, në zemër të kryeqytetit rus.
Varësja, e cila është bërë me kallaj dhe plumb, ka një diametër rreth 5 cm dhe në mesin e saj ka simbolin ‘Tudor’, shkruan RT.
Sipas arkeologëve, kjo bizhuteri e veçantë daton në 1590-ën. Ndër të tjera, arkeologët pohojnë se varësja ka të gdhendur një frazë në frëngjisht: “Dieu et mon droit,” – “Zotit dhe e drejta ime”. Kjo ka qenë motoja e monarkut në Mbretërinë e Bashkuar që nga shekulli i 12-të.
