Me sa duket fushata zgjedhore ka nxitur politikanët të shtrydhin trurin për forma të reja se si të tërheqin sa më shumë votues prej vetes. Dhe mund të themi që e ka mjaft të lehtë këtë detyrë, sepse fatkeqësisht populli shqiptar mjaftohet me fare pak dhe kështu vazhdon të gënjehet prej më shumë se 25-vitesh nga demokracia që nuk erdhi kurrë, ka mbetur në tranzicion.
Kështu, harrojini thasët me miell, 5-shet në zarf e gjëra të kësaj natyre, sepse politika iu është sulur fëmijëve, ata që duhet të jenë e ardhmja e vendit, po i “mbysin” pa u formësuar ende.
PDIU (Partia për Drejtësi, Integrim dhe Unitet), ka krijuar së fundmi një broshurë që po e shpërndan në çdo ambient të mundshëm, ku në njërën anë të saj paraqet disa pikë-plane të politikës së saj, ndërsa në krahun tjetër ka një ofertë për fëmijët e moshës 8-12 vjeç dhe për maturantët.
“Vijmë në ndihmë të fëmijëve tuaj nga data 8 Prill deri më 8 Gusht”, ky është slogani i PDIU-së, e cila në këtë afat kohor ofron kurse falas të gjuhës angleze, sigurisht në këmbim të votës së prindërve.
Kjo është një metodë shumë e shëmtuar e partive politike shqiptare dhe e politikanëve të caktuar, mjaft i përdorët fëmijët për fushatë. Ata duhet të jenë e ardhmja e vendit dhe jo e ardhmja e partive që po grijnë popullin me një rotacion 4 ose 8 vjeçar./JOQ
