Një aksident i rëndë ka ndodhur mbrëmjen e djeshme në autostradën Tiranë-Durrës. Sadjona Dervishi, banuese në Durrës rreth orës 23:40,në autostradën Durrës–Tiranë, tek një karburant, duke drejtuar automjetin tip Benz ka humbur kontrollin e mjetit duke u futur brenda në karburant dhe më pas është përplasur me reklamat e tij, raporton policia. “Harta Dixhitale e Aksidenteve Rrugore” ka publikuar në Facebook videon nga incidenti.
Për pasojë është dëmtuar vetë e reja, e cila ndodhet në Spitalin Rajonal Durrës nën kujdesin e mjekëve. Gjatë testit të alkoolit rezultoi se S.Dervishi ishte në gjendje të dehur.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale: “Shkelja e rregullave të qarkullimit rrugor” dhe ”Drejtimi i automjeteve në mënyrë të parregullt”.
