Çdo fjalë e Rundina Xhungës karshi Ledionit dhe e anasjellta prej javësh tashmë përbën lajm për showbizin.
E, duket se inati që kanë pasur për njëri -tjetrin është kaq i madh sa e kanë ndarë edhe me publikun duke arritur edhe në fjalë fyese.
Dy personazhet nuk ia kanë kursyer akuzat njëri-tjetrit në lidhje me suksesin dhe dështimin. Gazetarja dhe moderatorja e emisionit “Dritare” në “Vizion Plus”, Rudina Xhunga” ka folur për herë të parë pas debatit që pati në distancë në rrjete sociale me moderatorin Ledion Liço.
E ftuar në INTv me gazetaren Arjola Shehu, Xhunga tha se, “Ledionit i ka hyrë vetja në qejf. Megjithatë ka kohë për t’u rritur, është ende i vogël. Unë Ledionin e kam njohur në “Top Channel” kur ishte shumë i vogël, por tani rrugët janë ndarë dhe secili ka jetën e tij”. Debati mes të dyve nisi pak javë më parë, pasi Rudina shkruante në faqen e saj online “Dritare.net” shkrimin me titull, “E premtja pa shikues e “Top Channel”.
Ledioni dështon me “Voice””. Ndërkohë që pas saj, Ledioni i kundërpërgjigjej, duke i thënë se Rudina ishte përcjellë nga “Top Channel” për të shkuar në “dritaren” e fundit.