Nuk janë përmbajtur më, por një lumë kërcënimesh kanë ardhur në adresë të kryetares së grupit parlamentar të PDIU-së, Mesila Doda. Ajo ka publikuar në faqen e saj një hartë të Iliridës dhe çakenjtë e rrjetit janë sulur duke kërcënuar një zonjë anëtare të Kuvendit të Shqipërisë.
Kjo nuk është e para herë që kërcënohet sekretarja e përgjithshme e PDIU-së. Edhe para pak javësh, kur ajo u shpreh se shqiptarët kudo që ndodhen duhet të ndihmojnë në shpalljen e mëvetësisë së Iliridës, sërish pati kërcënime të shumta me jetë me sllavo-maqedonët, jo vetëm nëpërmjet rrjeteve sociale.Kërcënuesit i kanë shkruajtur se pas atentatit ndaj Zijadin Selës, tani radhën e ka ajo.
Gjithsesi, shteti shqiptar nuk ka afruar kurrfarë mbrojtje për politikane e mirënjohur, pavarësisht se ajo shprehet se nuk ka nevojë për një gjë të tillë. Doda thotë se do të vazhdojë pa u tutur të shpallë platformën kombëtare dhe të mbrojë idenë e Iliridës, sido që të veprojnë dhe sillen sllavo-maqedonët/27.al
