Petrit Vasili, në cilësinë e kryetarit të ri të Lëvizjes Socialiste për Integrim, ka bërë disa premtime për shqiptarët në Ditën Botërore të Punëtorëve.
Duke u shprehur se LSI ka një shans për të gjithë punëtorët, ai premton më shumë vende pune, të mirëapguara dhe me kushte dinjitoze.
“Me shumë vende pune, punë më të mirëpaguara e me kushte sigurie më dinjitoze, më shumë të drejta për punëtorët. Sot është 1 maji dhe LSI ka një shans për të gjithë punëtorët.”, shkruan Vasili.
Punësimi ka qenë një ndër premtimet e LSI-së gjatë takimeve të ndryshme të organizuar nga kjo parti në Tiranë dhe qarqe të ndryshme të vendit.
