Juventus ka fituar titullin e gjashtë radhazi në kampionat falë fitores 3-0 të regjistruar kundër Crotone-s në javën e parafundit të Serie A. një rritje e jashtëzakonshme, një rekord që ka pak mundësi të barazohet ose të thyhet nga një ekip tjetër, edhe pse drejtuesit bardhezinj kanë filluar të punojnë që tani për të shtatin. Pas përfundimit të ndeshjes ka filluar festa e madhe, në stadium dhe në qytet. Gjatë këtyre festimeve, në dhomat e zhveshjes, lojtarët kanë shprehur gjithë gëzimin e tyre, teksa kanë postuar në rrjetet sociale video dhe foto të festës që po zhvillohej.
Një nga këto fotografi po bën xhiron e internetit. Në të shfaqen Paulo Dybala dhe Gonzalo Higuain që puthen. Por nëse shihet me kujdes mund të kuptohet se nuk është një fotografi origjinale. Sa për fillim, medalja që Dybala ka në qafë nuk është ajo e titullit të fituar në Serie A, por ajo e Kupës së Italisë, gjë që mund të kuptohet nga ngjyra kuqe e shiritit, ndërsa medalja e “scudetto”-s është trengjyrëshe. Nëse më pas krahasohet kjo fotografi me atë këtu poshtë, kuptohet se dikush është argëtuar duke hequr Kupën e Italisë që ndodhet mes dy lojtarëve. Lidhja e dy sulmuesve argjentinas është e fortë, por jo kaq. Megjithëse, kjo do të kuptohet më mirë pas finales së Kardifit.
