Deputeti i Lëvizjes Socialiste për Integrim, Përparim Spahiu, i cili kryeson listën e kandidatëve të kësaj partie për Qarkun e Dibrës, në zgjedhjet parlamentare të 25 Qershorit, ka reaguar në lidhje me deklarimet e bëra një ditë më parë nga Kryeministri Rama dhe ish-ministri i Shëndetësisë Ilir Beqaj, mbi investimet e kryera në sistemin shëndetësor.
Spahiu i cilëson si gënjeshtra gjithçka deklarohet në lidhje me shifrat e investimeve, ndërsa i sugjeron që të mos flasin pasi edhe anëtarësia e PS-së nuk do t’I votojë.
“Po si mundet tju besohet më këtyre:
100 milion lekë (me aq do bëhej spital i ri edhe po të ishte e vërtetë) investuar për urgjencën e spitalit Bulqizë. Gënjeshtër shumë e madhe. Janë investuar vetëm 8 milion lekë, dhe këto sponsorizim i Llotarisë Kombëtare.
Qëndra shëndetësore në Kastriot dhe Shupenze:
Edhe fëmijët e dinë dhe e thonë që i ka bërë “zvicerani”. Përfaqësues te projektit HAP ndēr të tjera thonë që inagurimin nuk do ta bëjnë këtë muaj, pasi nuk duan të përdoret politikisht.
Kandidati i PS ka postuar një status ku po e njeh si meritë të qeverisë.
Të vjen keq vërtet, të paktën mos flisni, pasi dhe anëtarësia sdo tju votojë!”, shkruan Spahiu në rrjetet sociale.
