Kreu i LSI-së, Petrit Vasili ashtu si pararendësi i tij Ilir Meta ashpërsoi tonet nga qyteti i Kavajës, duke iu kujtuar qytetarëve se janë mbajtur peng nga qeverisja e drejtuar nga Edi Rama.
“Kavajën e lanë në mëshirë, shqiptarët dinë shumë mirë se votojnë për tu çliruar nga dhuna e një shteti që dashuron drogën jo bujqësinë”,- tha ai
Duke akuzur Ramën se e dha me koncesion gjithë shtetin, Vasili u shpreh i bindur se në zgjedhjet e 25 qershorit, LSI-ja del forcë e parë.
“Më 25 qershor do i shtrijmë në tokë satrapët dhe kryegënjeshtarët. LSI do dalë forcë e parë, forcë e paparë”,- tha ai në Kavajë.
