Një studim i kryer së fundmi ka dalë në përfundimin se ngrënia e 10 porcioneve në ditë me fruta e perime, mund të çojë në jetë më të gjatë.
U vëzhguan zakonet e ngrënies së 2 milionë njerëzve. Rezultatet e studimit u publikuan në gazetën ndërkombëtare të epidemiologjisë dhe, sipas tij, konsumi i 200 gramë frutave dhe perimeve në ditë ul rrezikun e sëmundjeve kardiovaskulare me 13%, ndërsa 800 gramë e reduktojnë rrezikun me 28%.
“Konsumimi i 200 gramëve me fruta e perime në ditë redukton rrezikun e kancerit me 4%, ndërsa konsumi i 800 gramëve e redukton rrezikun me 13%”, thuhet në konkluzionet e studimit.
