Ndonëse shumë gjëra nuk janë në dorë të ushqimeve që përdorim, por janë pasojë e shumë ngatërresave të tjera në organizmin tonë, ne sërish duhet të kemi shumë kujdes për çfarë konsumojmë sepse ato ndikojnë direkt në të ardhmen e shëndetit.
Doktori Joel Fuhrman ka bërë një studim të detajuar duke publikuar një libër mjaft të rëndësishëm në fushën e mjekësisë lidhur me ushqimet që duhen konsumuar dhe nuk duhen konsumuar, në mënyrë që të parandalohet sëmundja e kancerit, e cila, siç të gjithë e dimë, është mjaft e rrezikshme dhe tashmë ndodh në masë.
Sipas Fuhrman-it, ju duhet të përqendroheni te dieta juaj që të përmbajë patjetër këto tri produkte të paktën nga dy herë në javë:
– fasulet (shumë të pasura në fibra dhe kanë një efekt stabilizues në sheqerin e trupit tuaj);
– qepët (ato janë luftuese të sëmundjeve inflamatore);
– kërpudhat (ato mbrojnë shumë dëmtimet në ADN, ndaj janë shumë të mira, sidomos për kancerin e gjirit)
