Policia Kufitare në Qafë-Thanë ka arrestuar tre të rinj nga Shkupi: Taip Adilovski, 19 vjeç, Nazif Sali, 20 vjeç dhe Ardian Feta, 21 vjeç.
Dje, më datë 16 korrik 2017, ata janë paraqitur në pikën e kalimit kufitar me një “Mitsubishi” me targa SK6397AM në pronësi të 20-vjeçarit Sali.
Gjatë kontrollit trupor të ushtruar ndaj Taip Adilovskit, policia gjeti katër qese me kanabis me peshë 16.6 gr.
Dy shtetasit e tjerë kishin pasur dijeni për këtë fakt dhe nuk kishin kallëzuar në organet e Policisë.
Kësisoj, dosjet e të treve i kaluan Prokurorisë të Rrethit Gjyqësor Pogradec për veprat penale : “Prodhimi dhe shitja e narkotikëve” në ngarkim të shtetasit Taip Adilovski dhe “Moskallëzimi i krimit” në ngarkim të dy shtetasve të tjerë.
