Prezantimet e futbollistëve në klubet e mëdha është kthyer në një spektakël në vete, me kompani të mirëfillta prodhimesh televizive që punojnë për ta realizuar. Transferimi i Pogba te Mançester Junajtid ishte i tillë, i shpërndarë ne rrjetet sociale nga kompanitë e marketingut me të cilat ai dhe klubi bashkëpunonin. Edhe Milani, tani thuajse çdo firmë e ka kthyer në një shfaqje LIVE në rrjetet sociale.
Sot, Roma ka gjetur një mënyrë shumë të veçantë për të prezantuar blerjen e saj më të fundit, sulmuesin Defrel që u transferua nga Sasuolo. Ndryshe nga prezantimi me bujë apo spektakël, shfaqet një video humoristike që mbyllet me Defrel duke përshëndetur të gjithë me një filxhan në dorë.
“A po e bëjmë siç duhet?”, shkruhet në postimin ironik të verdhekuqve…
Meqë ra fjala, italianët kanë kopjuar pjesë të videos me të cilën Sauthempton, një javë më parë, konfirmoi se i kishte zgjatur edhe një vit kontratën portierit të dytë, Stjuart Tejlor.
Are we doing this right? ? ✍️ #ASRoma ? pic.twitter.com/u3qZ6OKFGm
— AS Roma English (@ASRomaEN) July 20, 2017
