Ekipi i ‘Skënderbeut’ luan sot ndeshjen e kthimit në turin e dytë kualifikues të Ligës së Europës përballë kazakëve të Kairat Almatit.
Barazimi 1-1 në ndeshjen e parë në transfertë, por sidomos loja mjaft bindëse e korçarëve, ka bërë që tifozët dhe skuadra të jetë besimplotë për kualifikimin në turin e tretë.
Një ditë më parë ‘Skënderbeu’ njoftoi se 30 orë para ndeshjes ishin shitur 60% e biletave, çka tregon një interesim të madh të tifozëve korçarë. Ndeshja pritet të nisë në orën 20:00 në stadiumin ‘Skënderbeu’ në Korçë, ndërsa janë publikuar edhe formacionet zyrtare.
Trajneri Ilir Daja nuk ka bërë asnjë ndryshim në formacionin titullar duke hedhur në fushë të njëjtët lojtarë si në ndeshjen e parë.
Formacionet zyrtare:
Skënderbeu: Shehi, Vangjeli, Radas, Jashanica, Mici, Taku, Lilaj, Osmani, Nimaga, Latifi, Xhejms
Trajner: Ilir Daja
Kairat Almati: Pokatilov, Akhmetov, Arzo, Bateu, Sujumbajev, Kuat, Elek, Isael, Islamkhan, Arshavin, Guhu
Trajner: Kakhaber Tshadadze.
