Juventusi është një opsion për Elseid Hysajn, por vetëm për të ardhmen pas këtij sezoni. Zërat e ditëve të fundit në mediat italiane se kampionët e Italisë kërkonin mbrojtësin e përfaqësueses shqiptare, janë gjetur konfirmim edhe të vetë menaxheri i tij, Mario Xhiufredi.
“Hysaj-Juve? E konfirmoj, ka pasur një bisedim të kërkuar nga ana e Juventusit për të kuptuar situatën e tij. Por Napoli e mbylli çdo diskutim që në fillim, ndërsa edhe vetë futbollisti dëshiron të qëndrojë këtu për të fituar titullin kampion. Kjo skuadër dëshiron të paktën ta provojë të fitojë titullin”, u shpreh Xhiufredi për mediat italiane.
Që pas datës 1 korrik, klauzola e largimit prej 50 milionë eurosh që Hysaj kishte në kontratën e tij është zhdukur, ndaj çdo negociatë për të blerë mbrojtësin e përfaqësueses shqiptare duhet bërë direkt me presidentin e klubit të Napolit, Aurelio De Laurentis.
