Vera po mbaron, por shumë njerëz ende janë nëpër plazhe për të shijuar rrezet e diellit. Gjatë verës dikush shkoi në det, dikush në male, shumë të tjera zgjodhën pishinat por pati dhe nga ata që qëndruan në punë. Përveç plazhit, vera është një stinë ku tregohen format trupore dhe veshjet e ndryshme. Shumë dinë që të kombinojnë veshjet dhe janë ekspertë për këtë punë, por ka nga ata që nuk mund të kombinojnë dy gjëra bashkë. Ne kemi mundur që të kapim një rast të tillë në një nga pishinat e Tiranës, ku shihet një djalë i cili mund të cilësohet si i veshuri më keq. Ai ka mbathur një palë këpucë me maj, çorape të gjata (afërsisht si ato që mbajnë futbollistët) dhe pantallona për plazh. Duket që ka guxuar shumë në veshjen e tij, pasi këto tre rroba nuk kombinohen fare me njëra-tjetrën. Ne kemi mundur që ta kapim dhe në foto, por të gjithë ata që ishin të pranishëm u habitën nga kjo zgjedhje. Edhe pse djaloshi në fjalë ishte në qendër të vëmendjes për shkak të veshjes së ti,j përsëri ai u mundua që të fshihte kombinimin e tij të çuditshëm, por nuk ja arriti qëllimit.
