Seanca plenare e ditës së sotme mund të rezultojë një nga seancat më të gjata të zhvilluara në vend.
Janë 118 deputetë që janë regjistruar për të mbajtur fjalim në podium. Kohëzgjatja e një diskutimi është 20 minuta e nëse secili deputet zgjedh të mbajë një fjalim në maksimumin e kohës, atëherë seanca do të zgjasë thuajse 40 orë.
Në fund të seancës ku kryeministri iu përgjigj dje pyetjes së deputetëve për programin qeverisës, kryeparlamentari Gramoz Ruçi lexoi listën e diskutantëve të regjistruar ku rezulton se nga Partia Socialiste janë regjistruar për të mbajtur fjalim 60 deputetë, nga Partia Demokratike 42 deputetë dhe nga Lëvizja Socialiste për Integrim 16 deputetë.
