Aktori i humorit Bes Kallaku dhe këngëtarja Xhensila Myrtezaj më në fund janë ‘arratisur’ jashtë Shqipërisë për muajin e tyre të mjaltit.
Pas dasmës që zgjati disa ditë dhe shpenzimeve marramëndëse nuk kishte si të mos kishin edhe pushime ëndrrash.
Vila luksoze ku po kalojnë muajin e mjaltit Besi dhe Xhensila kushton 2300 dollarë nata. Natyrisht që edhe në pushimet e para si të porsamartuar, çifti nuk do të kursehej.
Dy artistët kanë zgjedhur të prenotojnë një vilë në ishujt Maldives në resortin “Four Seasons” për të shijuar muajin e mjaltit. Që të dy kanë postuar video dhe foto të ndryshme nga vendi ekzotik, duke zbuluar copëza të shtëpisë luksoze që ata kanë zgjedhur.
Me pamje nga deti dhe me pishinë private, vila e përzgjedhur nga çifti kushton 2300 dollarë nata. Resorti është një nga vendet më luksoze në Maldives, ndaj Xhensila dhe Besi duket se e kanë tërësisht të merituar këto pushime ëndrrash.
